Arondismento Dunkerque | |
france: Arrondissement de Dunkerque, okcidentflandre: Arroundissement Duunkerke | |
Administra unuo | |
Departementa mapo kun la arondismento ruĝe akcentita
| |
Ŝtato | ![]() |
---|---|
Regiono | ![]() |
Departemento | ![]() |
Historia regiono | ![]() |
Ĉefurbo | Dunkerque (Duunkerke) |
Areo | 1 608,23 km² (160 823 ha) |
Loĝantaro | 371 736 (2021) |
Denseco | 231 loĝ./km² |
INSEE-kodo | 594 |
Komunumoj | 111 |
La arondismento Dunkerque aŭ plene esperante arondismento Dunkirko (france arrondissement de Dunkerque, nederlande Arrondissement Duinkerke, okcidentflandre Arroundissement Duunkerke) estas administra parto de Francio nomata arondismento. Ĝi lokiĝas en la departemento Nord [nɔʁ], en la administra regiono Hauts-de-France (jen france, prononco [o d(ə) fʁãs] aŭskulti, pikarde Heuts-d'Franche), kaj apartenas al la historia pejzaĝo Franca Flandrio, Frans-Vlaanderen respektive Flandre française. La arondismenta ĉefurbo estas la samnoma urbo Dunkerque (nederlande Duinkerke, okcidentflandre Duunkerke). Komence de la jaro 2021 en la arondismento vivis 371 736 personoj sur areo de 1 608,23 kvadrataj kilometroj, kio rezultigas loĝdenson de 231 loĝantoj/km². La homoj de la teritorio kiu situas rekte ĉe la limo de Flandrio, la nederlandlingva parto de Belgio, historie estis je granda parto flandralingvaj - nuntempe precipe iuj loknomoj kiuj estas malkomplete francigitaj memorigas pri tio.
La arondismento ekde administra reformo de marto 2015 inkludas komunumojn de sep kantonoj.